HF-SEKSJON

HF-SEKSJON2017-12-19T21:13:44+00:00

Siste nytt fra “HF-SEKSJON” på bloggen:

WSJT-X 2.2.0 er klar for nedlasting

By |4.6.2020|Categories: Contesting, Digital, HF-SEKSJON, Nyheter, Programvare, VHF/UHF|

WSJT-X 2.2.0 i endeleg versjon vart tilgjengeleg for nedlasting 2. juni 2020. Den kan nedlastast frå WSJT-X sine heimesider.

Versjon 2.2.0 inneheld klare forbetringar av dekodinga for nesten alle modusa i WSJT-X. Til dømes dekoder FT8 no meldingane i tre omgongar mot slutten av kvar 15 sekunds mottakssekvens, første gong etter 11,8 sekund og siste gong etter 14,7 sekund. Når det er tett på bandet, gjev dette gjennomsnittleg 10 % fleire dekodingar. I tillegg er det no laga eige meldingsformat for WW Digi DX Contest (som kjem i slutten av august). Meldingsformatet for EU VHF Contest endra og er ikkje lenger kompatibelt med tidlegare versjonar av WSJT-X, så dersom du skal delta i contest som bruke dette meldingsformatet, du bruke den nye versjon 2.2.0.

Brukarvegleiinga for WSJT-X 2.2.0 er omsett til norsk og finst både på WSJT-X sine heimesider og på WSJT-X 2.2.0 Norsk brukerveiledning. Frå og med denne versjonen er grensenittet for WSJT-X førebudd også for andre språk enn engelsk og det vil eg nok også sjå på om litt.

Last ned WSJT-X 2.2.0  og prøv dei nye funksjonane.

Lukke til.

73 Frode LA6VQ

 

 

 

WSJT-X 2.2.0-rc3 klar for testing – med norsk brukarvegleiing

By |29.5.2020|Categories: Contesting, Digital, HF-SEKSJON, Nyheter, Programvare, VHF/UHF|

WSJT-X versjon 2.2.0 er kommen i betaversjon nr 3, kalla WSJT-X 2.2.0-rc3. Dersom du vil vere med på betatesting av dette svært populære programmet for svake signal, kan du laste det ned frå WSJT-X si heimeside.

Brukarvegleiing på norsk finst på Norsk brukarvegleiing for WSJT-X 2.2.0-rc3. Den er omsett til norsk av LA6VQ Frode.

Den viktigaste endringa i denne tredje betaversjonen er oppdatering av hamlib-koden som vert brukt til dataassistert styring av mange typar radioar. Elles er det nokre rettinger av mindre feil i dei to føregåande betaversjonane.

Det er venta at den endelege versjonen av WSJT-X 2.2.0 (dvs. utan -rc#) vert utgjeven første veka i juni.

God testing til dei som vil betateste og god pinse til alle.

73 LA6VQ Frode

 

WSJT-X 2.2.0-rc1 – Ny betaversjon av WSJT-X er ute

By |23.5.2020|Categories: Contesting, Digital, HF-SEKSJON, Nyheter, Programvare, VHF/UHF|

WSJT-X, programmet for svake digitale signal,  er komme i ny beta-versjon kalla WSJT-X 2.2.0-rc1. Brukarvegleiinga til den nye versjonen finn du på WSJT-X 2.2.0-rc1 – Brukerveiledning, norsk. Den er omsett av LA6VQ Frode, som gjerne høyrer frå deg om du finn feil eller noko du ikkje forstår.

“-rc1” står for “release candidate 1” (utgjevingskandidat 1), dvs. ein beta-versjon som er sendt ut for testing i større skala. Tek du den i bruk, er det viktig at du melder tilbake til utviklargruppa dersom du finn feil eller at programmet oppfører seg på ein uventa måte. Sidan den nye versjonen er ei beta-utgåve, kan den kun brukast til 10. juni 2020. Ifølgje e-post frå Joe Taylor, K1JT, vil det komme ny beta-versjon måndag 25. mai.

WSJT-X 2.2.0-rc1 inneheld mange forbetringar. For FT8 er dekodinga no delt i tre omgangar, der første dekodingomgang startar etter 11,8 sekund av den 15 sekund lange mottakssekvensen og gjev deg omlag 85 % av dekodingane. Den to siste startar etter 13,5 sekund og 14,7 sekund. Samla sett gjev dette omlag 10 % fleire dekodingar på eit tettpakka band. Signalrapportane er no meir korrekte både for sterke og svake signal. For andre modus som FT4, JT4, JT65 og WSPR er det også gjort endringar som gjev betre dekoding.

Måten ein sender og dekoder meldingsformatet for EU VHF Contest er endra og er ikkje kompatibel med tidlegare versjoner.  Alle som vil køyre contestar som nyttar meldingsformatet til EU VHF Contest må derfor laste ned den nye versjon 2.2.0 straks den kjem i endeleg utgåve. Det er også laga eit eige meldingsformat for WW Digi DX Contest som går siste helga i august.

Lukke til med testinga.

73 Frode LA6VQ

LA1B SDR (RSP1 SDRplay + OpenWebRX)

By |24.3.2020|Categories: HF-SEKSJON, Nyheter|

Det er satt opp en Web SDR på Totland.

Oppsettet består i hovedsak av:

  • RSP1 SDRplay
  • Linux PC med Ubuntu Mate. Proff maskin med passiv kjøling. QBOX-2700 Series
  • OpenWebRX. Benyttes en modifisert versjon som er basert på denne : https://sdr.hu/openwebrx
  • Antenne : Windom. Planlagt utvidet med en duplex/triplexer slik at man får lytting på VHF også.
  • Homebrew rele for frakobling/jording av antenne når hovedstasjonen er i bruk.

Systemet tillater flere samtidige brukere som kan lytte på forskjellige frekvenser, men begrenset til 1 bånd av gangen. Om en bruker bytter bånd vil de andre brukere oppleve båndbytte.

Digimodes: BSKP31, BPSK65, FT8, JT65, JT9, FT4, WSPR, APRS, DMR, PSK osv.

PSKreporter (pskreporter.info) : Server sender automatisk spots når det er en aktiv bruker som dekoder digi modes.

PSKreporter : Lookup LA1B/SDR (Klikk her)

Informasjon om tilkobling annonseres internt via e-post. Send gjerne tilbakemeldinger med erfaringer på e-post.

Oppsett og konfigurasjon av LB1AH, Irmis.

 

Ny versjon: WSJT-X versjon 2.1.2 er ute, med norsk brukarvegleiing

By |27.11.2019|Categories: Contesting, Digital, HF-SEKSJON, Nyheter, Programvare, VHF/UHF|

Måndag 25. november publiserte WSJT-X-gruppa ei oppdatering av WSJT-X, no til versjon 2.1.1. Denne oppdateringa retta mindre feil som fanst i versjon 2.0.1 som kom i sommar. På grunn av ein nylaga feil i det innebygde riggstyringsprogrammet OmniRig kom det neste dag ein versjon 2.1.2 som retta den nye OmniRig-feilen.

Som vanleg er den norske omsetjinga av brukarvegleiinga til versjon 2.1.2 raskt oppdatert og finst på WSJT-X 2.1.2 Brukerveiledning, norsk, på LA1B.no og på WSJT-X sine heimesider WSJT-X 2.1.2 Brukerveiledning, norsk, på K1JT sin WSJT-X-side.

Det er mykje nyttig å lære om ein bruker litt tid til å setje seg inn korleis programmet verkar.

73 og god lesnad, Frode LA6VQ

WSJT-X 2.1.0 Norsk brukarvegleiing – Ny konkurranse for FT4 og FT8

By |2.8.2019|Categories: Contesting, Digital, HF-SEKSJON, Nyheter, Programvare, VHF/UHF|

Framsida på WSJT-X 2.1.0 Brukerveiledning

WSJT-X-programmet kom ut i ny versjon i midten av juli. Versjon 2.1.0 inneheld ein ny modus kalla FT4. Denne modusen er utvikla for å vere ein konkurransemodus, ikkje for vanleg operasjon. Med sendesekvens og mottakssekvens kvar på 7,5 sekund er FT4 dobbelt så rask som FT8. For å greie det treng FT4 83,3 Hz bandbreidd mot 50 Hz for FT8. FT4 har også ein noko høgare terskel for dekoding. FT4 dekoder ved signal-støyforhold ned til -17,5 dB, medan FT8 dekoder ned til -21 dB, dvs. 3,5 dB djupare enn FT4.

WSJT-X 2.1.0 inneheld også forbetringar i korleis signalbølgeformene vert genererte, raskare dekoding og fleire andre mindre forbetringer. Fram til no har Windows-utgåvene av programmet vore like for Windows 32-bit og 64-bit operativsystem. Windows-utgåva av WSJT-X 2.1.0 kjem no i både 32-bit- og 64-bit-versjonar, der 64-bit-versjonen gjev endå raskare dekoding enn før.

Som tidlegare har eg oppdatert brukarvegleiinga også for versjon 2.1.0.  WSJT-X 2.1.0 Brukerveiledning på norsk finn du her. Du vil også finne den på WSJT-X si heimeside når Joe Taylor K1JT får tid til å laste den opp.

Det kan vere smart å bokmerke linken i nettlesaren din og også å gjere den tilgjengeleg når du ikkje er tilkobla internettet. Som alltid er det mykje å lære for den som vil setje seg inn i korleis WSJT-X verkar.

 

World Wide Digi DX Contest – Ny verdsomspennande konkurranse for FT4 og FT8

Dei som vil prøve FT4 og FT8 i konkurranse får høve til det i den nye store konkurransen World Wide Digi DX Contest som vil  gå føre seg seg frå laurdag 31. august 12oo UTC til søndag 1. september 1159 UTC. De finn reglane for WW Digi DX Contest, med norsk omsetjing i høgre sidestolpe.

Lukke til med WSJT-X 2.1.0.

Finn du trykkfeil eller andre feil i omsetjingane, høyrer eg gjerne frå deg.

73 Frode LA6VQ

Norsk omsetjing av brukarvegleiinga for WSJT-X 2.0

By |1.2.2019|Categories: Contesting, Digital, HF-SEKSJON, Nyheter, Programvare, VHF/UHF|

Det er no utarbeidd ei omsetjing til norsk (bokmål for dei som måtte uroe seg) av heile brukarhandboka for WSJT-X 2.0, ein programpakke for digitale modus der programmet FT8 for tida er svært populært. Det er LA6VQ Frode som har omsett også denne brukarvegleiinga for WSJT-X.

Omsetjinga er lagt ut som ei nettside og finst som link på Bergensgruppen si heimeside LA1B.no WSJT-X 2.0 på norsk – LA1B.no og på WSJT-X 2.0 på norsk – K1JT. Utforminga som ei nettside gjer den lettare å halde oppdatert etter som programmet kjem i nye versjonar. Utforminga er identisk med den engelske originalen.

Det er mykje nytt og nyttig å lære ved å lese gjennom brukarvegleiinga. Alle som brukar eitt eller fleire av programma i programpakken WSJT-X vil ha god nytte av å lese gjennom brukarvegleiinga og vil etterpå forstå mykje betre korleis programmet verkar og kvifor. Det kan vere lurt å setje bokmerke på linken, og gjere den tilgjengeleg også når du ikkje er tilkobla internett slik at du kan lese når du vil.

Finn du feil, trykkfeil, eller har forslag til forbetringar, er eg svært takksam for konkrete tilbakemeldingar.

73 Frode LA6VQ

Bergensgruppen representert i CQ World Wide Contest Committee

By |31.1.2019|Categories: Contesting, HF-SEKSJON, Nyheter|

Etter førespurnad frå CQ World Wide Contest Director våren 2018, er LA6VQ Frode sidan hausten 2018 nytt medlem av CQ World Wide Contest Committee.

CQ World Wide Contest Committe står for gjennomføringa av CQ World Wide-contestane for SSB og CW i slutten av oktober og november. Dette er dei to største konkurransane for radioamatørar med fleire titusen deltakarar kvart år. Sist år var det mellom 8000 og 9000 innsende loggar i kvar av dei. Komiteen har ansvar for konkurransereglane, overvaking av konkurransane medan dei pågår, mottak og sjekking av loggar, utsending av loggsjekkingsrapportar til alle deltakarar og utarbeiding av resultatlister. Komiteen avgjer også diskvalifikasjonar og deler ut åtvaringar til deltakarar som bryt konkurransereglane.

I komiteen har Frode mellom anna fått ansvar for å sjå på korleis contest-komiteen kan bruke sosiale media for å promotere contestane og kommunisere med alle som er interesserte i radiosport og som har idear om korleis ein kan forbetre contest-opplevinga til deltakarar og andre involverte.

Dersom du har forslag til til forbetringar av CQ World Wide-contestane, vil eg gjerne høyre frå deg. Dette gjeld både norske og nordiske radioamatørar. E-postadressen finst på QRZ.com. I tillegg finst eg på Facebook og Twitter.

73 Frode LA6VQ

10 meter sked på 28.490

By |6.1.2019|Categories: Aktiviteter, HF-SEKSJON, Nyheter|

10 meter sked på 28.490. KL 21:00 hver tirsdag i vinterhalvåret (Tidspunkt kan endres. Følg med)

Første runde var tirsdag 08.01.19 og 15.01.19 er det ny runde. Vi håper på flere deltakere.

Initiativtaker og ringleder til å begynne med er LB2PI Lasse Olaissen og LB2SI Geir Arne. Det trengs flere ringeledere etter hvert for å holde kontinuitet.

Loggen oppdateres live (Google spreadsheet)

WSJT-X 2.0 kandidatversjon 4 er klar – med norske instruksar

By |14.11.2018|Categories: Contesting, Digital, HF-SEKSJON, Nyheter, Programvare, VHF/UHF|

Kandidatversjon 4 av den nye WSJT-X versjon 2.0 vart tilgjengeleg den 12. november, nett som planlagt. Det viktigaste i denne versjonen er at den gamle versjonen av FT8 no er kutta ut, slik at denne versjonen kun inneheld FT8 i den nye 75-bitsprotokollen som vert introdusert i versjon 2.0. Dersom ein vil bruke den gamle FT8-protokollen, må ein bruke WSJT-X 1.9.1. Den nye versjonen er mest truleg siste betaversjon før den endelege fullversjonen av WSJT-X 2.0 vert utgjeven omlag 10. desember. Naudsynte feilrettingar som ikkje kan vente til fullversjonen kjem, vil eventuelt bli retta i ein ny kandidatversjon innan eit par veker. Kandidatversjon 4 vil ikkje verke lenger enn til 31. desember, på same måten som kandidatversjon 3 som vart utgjeven for ein månad siden, ikkje vil verke lenger enn til 30. november  2018.

Også den nye versjonen er vidareutvikla for konkurransebruk. Ein kan no også bruke kallesignal som ikkje har standard format, t.d. YW50FIFA, eller som er samansett, t.d. SM4/LA6VQ. I tillegg er ein del feil retta opp. Dersom du vil teste den nye versjonen og gjere deg kjend med korleis den verkar, kan du laste den ned frå WSJT-X-sida.

Også for denne versjonen er det laga ein oppdatert “Quick Start Guide”, som eg har omsett til norsk. Den norske omsetjinga kan du også laste ned frå WSJT-X-sida, i tillegg til at du finn den her. Les den nøye før du går i gong med kandidatversjon 4.

Lukke til med testinga.

73 Frode LA6VQ

 

WSJT-X versjon 2.0 – kandidatversjon 3 er ute, inkludert omsett vegleiing

By |18.10.2018|Categories: Contesting, Digital, HF-SEKSJON, Nyheter, Programvare, VHF/UHF|

Utviklinga av WSJT-X går vidare. Kandidatversjon 3 (RC3) av WSJT-X 2.0 vart publisert 17. oktober 2018 og er no tilgjengeleg for nedlasting og betatesting. I den nye RC3-versjonen er det mellom anna bygd inn ein del ny funksjonalitet for kallesignal med ekstra suffiks, konkurransar, automatisk logging og ei betre algoritme for utrekning av signal/støyforhold. I tillegg er det komme ny fargekoding for dekoda signal med direkte identifikasjon av stasjonar som brukar Logbook of The World. Den nye versjonen av WSJT-X 2.0 kan lastast ned frå heimesida for WSJT-X.

Dette er den siste versjonen der ein kan dekode FT8-signal med både den gamle kodinga og den nye 77-bitskodinga. Frå og med neste versjon vil dei nye versjonane kun dekode dei nye 77-bitsmeldingane, så dersom du bruker FT8 kan det nok vere på tide å oppdatere seg på dei nye formata.

I samband med den nye kandidatversjonen er også hurtigstartvegleiinga for WSJT-X 2.0 oppdatert. Eg har omsett også den nye versjonen av hurtigstartvegleiinga, og den omsette vegleiinga kan du laste ned her  eller på heimesida for WSJT-X (der du også finn den engelske utgåva).

Lukke til med testinga av den nye WSJT-X-utgåva.

Frode LA6VQ

 

SAC – Scandinavian Activity Contest 2018

By |7.10.2018|Categories: Aktiviteter, Contesting, HF-SEKSJON|

Det nærmer seg seg SAC-SSB testen som kombineres med sosial samling helgen 13-14 October.
Konkurransen går fra lørdag KL 14 til søndag kl 14, men det vil også være folk på stasjonen allerede fra fredag kl 18:00.
Vi kjører planlegging og forberedelser på møte/drop-In Totland 08.10.18. Operatører vil primært være LN1B contest team, men det vil også være mulig å prøve seg når aktiviteten tilater dette.
Vi oppfordrer nye medlemmer som ikke har vært borti slik contesting før å komme innom for se hvordan dette foregår. Det skal være stillhet og lite folk i radiorommet, men det er mulig å være obsevatør.

 

SAC2

Ny versjon av WSJT-X – Hurtigstartguide omsett til norsk

By |24.9.2018|Categories: Contesting, Digital, HF-SEKSJON, Nyheter, Programvare, VHF/UHF|

WSJT-X-gjengen med K1JT Joe Taylor i spissen  kom sist veke med ein betaversjon av WSJT-X 2.0-rc1, ein såkalla “kandidat for utgjeving” (“-rc1” betyr release candidate 1). I den nye versjonen er meldingslengda auka til 77 bits  frå 72 bits (MSK144) og 75 bits (FT8). Denne utvidinga gjer  at det no er mogleg å bruke lange kallesignal, enten slike som har ekstra prefiks og suffiks, eller kallesignal som ikkje følgjer standardoppskrift for kallesignal. Utvidinga gjev også plass til betre feilretting. For FT8-modusen er programmet no også førebudd for bruk i konkurransar, særleg på VHF og for nokre konkurransar for digitale modus som tillet FT8 som modus. Også MSK144-modusen, som vert mykje brukt på 6 meter, har fått litt puss.

Utvidinga til 77 bits gjer at den dei nye FT8- og MSK144-modusane ikkje er kompatible med dei kjende FT8- og MSK144-modusane. For MSK144 er dette innført allereie i kandidatversjonen som kom sist veke. For FT8, som har mange fleire brukarar enn MSK144, vil det verte ein gradvis overgong fram til endeleg versjon av WSJT-X 2.0 vert slept rundt 10. desember. Det er planlagt tre kandidatversjonar før den endelege versjon 2.0 kjem i desember. I denne kandidatversjonen og den neste vil programmet kunne dekode både 75 bits og 77 bits FT8, men frå tredje kandidatversjon (-rc3), som er venta rundt 12. november, vil programmet ikkje lenger vere kompatibelt med den opphavelege FT8-modusen. Vil ein bruke opphaveleg FT8, må ein halde seg til den siste ordinære versjonen som er versjon 1.9.1. Alle kandidatversjonane får avgrensa levetid på omlag 1,5 månad, sjølvsagt for å unngå at det oppstår problem med dei som ikkje har følgd med på oppdateringane (skal ein delta i betatesting lyt ein følgje med på oppdateringane som kjem).

Sidan dei to modusa ikkje er kompatible har WSJT-X-gjengen rådd til at ein under betatestinga av kandidatversjonane ikkje bruker versjon 2.0 på dei vanlege FT8-frekvensane, men held seg på 40 meter og 20 meter på 7,078 MHz og 14,078 MHz. For MSK144 rår dei til 50,380 MHz. Etter kvart vil den nye versjonen overta dei vanlege frekvensane for FT8 og MSK144.

Eg har omsett meldinga som omtaler  nye funksjonar i WSJT-X v2.0. I tillegg har eg omsett hurtigstartvegleiinga til WSJT-X 2.0, slik at du kan komme kjapt i gong. Omsetjingane er også sende til Joe Taylor for publisering på heimesida for WSJT-X, så dei dukkar truleg opp også der etter kvart.

Vil du prøve den den nye versjonen og medverke i  betatestinga, vil eg rå til at du først lastar ned og les nøye gjennom heile hurtigstartvegleiinga før du startar. Sjølve programmet, både i versjon 1.9.1 og 2.0-rc1, finn du som før på K1JT Joe Taylor si WSJT-X-side.

Lukke til med testinga.

73 Frode LA6VQ

Tillegg 27. september 2018

Ein ny kandidatversjon WSJT-X v2.0-rc2 med mindre feilrettingar vart utgjeven 25. september 2018, og kan lastast ned frå WSJT-X si heimeside. Det betyr at versjonsnummereringa som er omtala utgjevingsplanen i dei to dokumenta er endra frå -rc2 til -rc3 og frå -rc3 til-rc4.

Frode

FT8 DX-pedisjonsmodus – brukarmanual på norsk

By |28.6.2018|Categories: Digital, HF-SEKSJON, Nyheter, Programvare|

FT8 DX-pedisjonsmodus er ein del av WSJT-X-programvaren og vart utvikla for å kunne handtere ein skikkeleg pile-up på stasjonar frå svært sjeldne DXCC-einingar i periodar med svake signal. DX-pedisjonen til KH1 Baker Island i Stillehavet var den direkte grunnen til at Joe Taylor K1JT, Steven Franke K9AN og resten av WSJT-X-gjengen sette i gong arbeidet med å utvikle DX-pedisjonsmoduset for FT8. Baker Island har ikkje vore på lufta på svært mange år, og av verneomsyn vil den heller ikkje komme på lufta igjen på mange år, sidan amerikanske styresmakter er svært restriktive med landgongsløyver. No er vi nær botnen av solflkekksyklusen og DX-signala er jamnt over svake, så ein var ikkje heldig med kor tid ein fekk løyve til å gå i land på denne øya som er så sjeldan aktiv. Derfor var det ønskjeleg med noko betre enn dei svaksignalmodusa som allereie fanst i WSJT-X.

DX-pedisjonen til Baker Island er no i full gong. Det er mykje som tyder på at øya fortener namnet sitt, sidan dei rapporterer om meir enn 40 grader allereie på føremiddagen, så det er meir enn propagasjonane som er krevjande. For ein gongs skuld ligg Noreg fint til med kortast avstand av dei europeiske landa, og utan store DX-nasjonar mellom oss og Baker Island, så når dei vil køyre Europa burde vi har bra utgongspunkt. Fleire norske stasjonar har allereie køyrd KH1/KH7Z på FT8, CW, og SSB. Det har dei gjort sjølv om A-indeksen har vore nokså høg og storsirkelen går rett gjennom nordlysbeltet rundt Nordpolen. Når A-indeksen kjem ned, får vi tru at det kan vere mogleg å køyre denne svært sjeldne DXCC-eininga også frå nokså vanlege stasjonar.

Versjon 1.9.1 er den nyaste versjonen av WSJT-X med FT8 DX-pedisjonsmodus. Den kom for nokre få veker sidan og er stabil etter fleire runder med betatesting av tidlegare versjonar på lufta. Dette vert den første skikkeleg testen av FT8 DX-pedisjonsmodus i praksis. Vil du køyre FT8 DX-pedisjonsmodus rår eg til at du lastar ned versjon 1.9.1 frå WSJT-X sine heimesider. FT8 DX-pedisjonsmodus verkar på ein annan måte enn vanleg FT8-operasjon. Den bruker også eit mykje breiare frekvensområde enn dei 2000 Hz som er tilrådde for vanleg FT8.  Derfor skal FT8 DX-pedisjonsmodus heller ikkje brukast på dei vanlege FT8-frekvensane, men på førehandsbestemte frekvenser for kvar DX-pedisjon. Programvaren styrer svært mykje av det som skjer, og det er ingen brukarval eller manuelle løysingar i DX-pedisjonsmoduset.

Brukarmanualen for FT8 DX-pedisjonsmodus finn du på same side som programvaren. Til glede for dei som likar betre å lese på norsk enn på engelsk har eg omsett denne brukarmanualen til norsk.

Brukarmanualen på norsk kan du laste ned her.

Den er også send til Joe Taylor K1JT, som takka for  omsetjinga og lova at han ville legge den ut på WSJT-X-sidene saman med andre omsetjingar, men det har han førebels ikkje gjort. Derfor  legg eg den ut her på LA1B.no.

For dei som lurer på om JTAlertX kan brukast saman FT8 DX-pedisjonsmodus, så kan den ikkje det, og det er det heller ikkje bruk for. JTAlertX er til god hjelp når du skal sortere alle stasjonar som vert dekoda, for å finne nokon du vil ha kontakt med. FT8 DX-pedisjonsmodus bruker du når du er på jakt etter éin stasjon. Då er det ikkje så viktig å vite om du har køyrd nokon av dei andre i pile-up-en.

Finn du feil, eller noko er uklart, er det berre å ta kontakt.

Som du ser på illustrasjonen til høgre, vert det kalla i alle periodar, dvs. både på 00 og 30 sekund og på 15 og 45 sekund. Det betyr at ikkje alle har lese brukarmanualen, men endå verre er det at dei bryt ein av dei viktigaste reglane for DX-ing: Ikkje kall ein DX-stasjon du ikkje kan lese. Det gjeld også for FT8. Dei som kallar på 00 og 30, vil neppe få kontakt, dersom DX-stasjonen kallar på same tid. Ikkje ver ein slik DX-jeger. Les du brukarmanualen og følgjer den og reglane for god DX-praksis, så kan det godt hende du får ein ATNO (All Time New One) i loggen.

Lukke til.

73 Frode LA6VQ

Logbook of the World – har du lyst å komme i gong?

By |11.6.2018|Categories: Contesting, Digital, HF-SEKSJON, Nyheter, Programvare, Satelitt, VHF/UHF|Tags: , , , , |

Snart kan også du vere ein av dei som deler denne utsegna.

Logbook of the World (LoTW) er American Radio Relay League (ARRL) sitt verkty for elektronisk QSL. Ved hjelp av LoTW kan du få elektronisk QSL som vert godteke for mellom anna ARRL sine mest kjende diplom: DX Century Club (DXCC) og Worked All States (WAS). Elektronisk QSL frå LoTW vert også godteke for to av CQ Magazine sine populære diplom Worked All Zones (WAZ) og CQ WPX (WPX).

I tillegg til sjølve stadfestinga av QSO-ane, kan ein også søkje om dei ulike diploma direkte frå LoTW. Dette gjer søknadsprosedyren mykje enklare enn ein søknad på papir og basert på QSL-kort. Første gongen ein søkjer om DXCC-diplomet, må ein velje om ein vil søkje elektronisk basert på kun LoTW-stadfesta QSO-ar eller papirbasert med berre QSL-kort. Ein kan ikkje kombinere QSL-kort og LoTW-stadfestingar i den første søknaden, men deretter kan ein blande så mykje ein vil. Det er også eit poeng at LoTW-baserte diplom-søknader tek 1-2 dagar å handsame, medan papirbaserte søknader kan ta 3-4 veker. Etter kvart vert LoTW-stadfestingar i praksis også godtekne for mange andre diplom, sjølv om reglane for desse diploma fortel at ein må legge fram QSL-kort. Det er mykje opp til diplom-manageren for diplomet.

Det er viktig å understreke at LoTW ikkje er nokon fullgod erstatning for QSL-kort, og det er ingen grunn til å slutte å sende QSL-kort sjølv om du bruker LoTW. LoTW-stadfestingar er lite dekorative og eignar seg dårleg til utstilling eller framsyning, men er du den utolmodige typen, vil nok LoTW vere eit raskt, billeg (gratis når du har pc og internett) og effektivt tillegg til QSL-kort.

Logbook of the World har etter kvart blitt det mest populære verktyet for elektronisk QSL, med nær 107 000 registrerte brukarer som snart har lasta opp 1 milliard QSO-ar. Sidan fleire DX-cluster viser om den meldte stasjonen bruker LoTW og/eller eQSL, er det etter kvart blitt slik at ein del radioamatørar nesten utelukkande ser etter og køyrer stasjonar som bruker LoTW. LoTW samarbeider no også med Club Log, slik at ein med nokre få tastetrykk kan oppdatere Club Log-statusen med nye LoTW-stadfestingar.

Trass i at mange allereie bruker LoTW, er det også mange som tykkjer det er litt vanskeleg å komme i gong. Ein av grunnane er at instruksjonane kan vere litt vanskelege å forstå (det er til og med ARRL samde i). For nokre år sidan, medan LoTW framleis publiserte omsetjingar til mange språk, laga eg derfor ei norsk omsetjing av instruksjonane for å komme i gong. Kort tid etter fjerna dei dessverre alle omsetjingane. No gjer eg den norske omsetjinga tilgjengeleg igjen. Når du kjem i gong og får brukt LoTW-verktyet litt, vert det heile meir forståeleg. Her som elles gjeld det at øving gjer meister, og hugs at meir enn 100 000 radioamatørar verda over trass alt har fått det til.

Du finn Veiledning for å komme i gang med LoTW – oversatt av LA6VQ Frode Igland som pdf-fil som du kan laste ned og studere på eigen hand.

Frode LA6VQ

Drop-in/temakveld, test av SDRPlay RSP1A

By |12.2.2018|Categories: Aktiviteter, Digital, HF-SEKSJON, Programvare|

Irmis LB1AH demonstrerte i dag SDRplay RSP1A og fortalte litt om mulighetene med SDR i kombinasjon med transceiver. Den ble koblet til en antennevender og vi fikk sammenlignet signaler mot hovedstasjonen som er en Icom IC-7600. Vi utforsket funksjoner og instillinger i programvaren.  Med frekvensområde fra 1kHz til 2GHz og enkel i bruk synes dette å være en fin liten sak som kan gi mye morro for pengene.

Vi var i dag 10 personer tilstede.

https://www.sdrplay.com/wp-content/uploads/2018/01/180109RSP1AdatasheetV1.8.pdf

 

Bruk av LN prefiks for gruppestasjoner

By |4.1.2018|Categories: Contesting, HF-SEKSJON|

Fra tid til annen får vi spørsmål om reglene for bruk av kallesignal som begynner med LN. I henhold til meddelelse fra PT (nå NKOM), gitt i forbindelse med Ligaens generalforsamling på Sola i august 2002, er norske gruppe- og klubbstasjoner gitt anledning til å benytte prefixet LN i følgende tester:

ARRL DX Contest
ARRL 160 meter contest
ARRL 10 meter contest
CQ WW Contests
CQ WW 160 meter contest
CQWW WPX contest
IARU HF Championship
IOTA contest
Russian DX contest
Scandinavian Activity Contest
WAE DX Contest

Merk at tillatelsen bare gjelder for klubbstasjoner, og i de opplistede testene! Enkeltamatører må fortsatt benytte sine ordinære call, og spesialprefixet kan heller ikke benyttes av gruppestasjonene i “oppvarmingen” før en test – kun i testen! Nye contester kom med i 2006. Ref. brev under.

Kilde : NRRL.

 

Blogg, HF-SEKSJONEN

Bergensgruppen av NRRL, Totlandsvegen 501, 5226 Nesttun.
Bruk "Kontaktskjema [LINK]"