Siste nytt fra “HF-SEKSJON” på bloggen:
WSJT-X versjon 2.7.0 og norsk brukarvegleiing er publisert
WSJT-X versjon 2.7.0 vart utgjeven 17. februar. Dette er ein ny hovudversjon (General Availability-versjon, GA) etter at den førre hovudversjonen (v2.6.1) kom i januar 2023. I mellomtida har det vore utgjeve åtte betaversjonar (release candidates) med nye funksjonar. Den nye versjonen finst for Windows 32 og 64 bit, Mac og Linux og kan lastast ned frå WSJT-X si heimeside.
Mellom dei meste interessante nye funksjonane er SuperFox, ein oppdatert versjon av FT8 DXpedisjonsmodus (Fox & Hound). DX-stasjonen (SuperFox) kan no sende til opptil ni stasjonar på samstundes, utan at det går ut over signal/støy-forholdet (SNR) frå DX-stasjonen. I praksis betyr dette ei forbetring på 10 dB i høve til vanleg FT8 DXpedisjonsmodus der Fox kan sende til maksmalt fem stasjonar. For å forstå korleis du skal bruke SuperFox, rår eg til at du brukar tid på å lese nøye gjennom WSJT-X SuperFox Brukerveiledning, norsk.
Versjon 2.7.0 inneheld også eit meldingssystem der ein under QSO-en kan sende andre meldingar til QSO-partneren sin enn dei vanlege med kallesignal, lokator, SNR, RRR/RR73 og 73. Dette kan vere QSY-meldingar der ein kan be den andre stasjonen om å flytte til ein annan frekvens, til dømes når ein ønskjer å køyre ein stasjon på eit anna band i ein konkurranse. Det kan også vere førehandsdefinerte meldingar av ulike slag om operasjon logging, signalkvalitet og anna.
For dei som driv med månerefleksjon (Earth-Moon-Earth, EME) inneheld versjon 2.7.0 eit nytt program QMAP, spesielt utvikla for dette, men også til bruk i andre samanhengar. I tillegg er nedlasting av radiostyringsprogrammet Hamlib forenkla, opplasting til PSK Reporter er blitt meir effektiv og det er gjort ein del andre forbetringar og feilrettingar. Meir detaljar om den nye versjonen finst i Release Notes.
Eg har også oppdatert den norsk brukarvegleiinga for versjon 2.7.0. Den finn du på WSJT-X 2.7.0 GA Brukerveiledning, norsk. Dersom du finn feil, trykkfeil eller andre manglar i brukarvegleiinga, er det fint om gjev beskjed. Sjefsutviklaren bak WSJT-X, Joe Taylor, K1JT, har melde ved publiseringa at det kan komme ei mindre oppdatering av brukarvegleiinga dei kommande dagane. I så fall blir den norske versjon oppdatert straks etterpå.
Lukke til med den nye versjonen av WSJT-X.
73, Frode LA6VQ
WSJT-X med ny betaversjon med FT8 SuperFox – eit nytt verktøy for DX-pedisjonar
WSJT-X 2.7.0-rc5 med FT8 SuperFox
DX – News – HAM RADIO
DXNEWS- J79WTA Dominica Island. From DXNews.com 17.3.2025Walter, HB9MFM is currently active again from Dominica Island, IOTA NA - 102, as J79WTA.
- CQ3W Madeira Island. From DXNews.com 17.3.2025DF7EE will be active as CQ3W from Madeira Island, IOTA AF - 014, in CQ WW WPX SSB Contest, 29 - 30 March 2025.
- DXCC Most Wanted 2025. From DXNews.com 16.3.2025DXCC Most wanted countries 2025 Club Log version. Updated March 2025.
- DP0GVN Neumayer III Station Antarctica. From DXNews.com 14.3.2025Alex, DL2ALY will be active from Neumayer III Station, IOTA AN - 016, Antarctica, until end of the 2025.
- YJ0CA Vanuatu. From DXNews.com 14.3.2025Chris, VK2YUS will be active again as YJ0CA from Vanuatu, 24 March - 3 April 2025.
- J79WTA Dominica Island. From DXNews.com 17.3.2025
LN1B i CQ WPX SSB 2023 – Solutbrot, men likevel 1554 QSO-ar
Reidar LA4XLA og Frode LA6VQ køyrde CQ WPX SSB Contest med LN1B frå Totland siste helga i mars. Dette er ein av dei aller største SSB-contestane i året og det er alltid stor aktivitet. Det var det også i år.
Laurdagen vart dessverre plaga med svært høge A- og K-indeksar pga. veldig kraftig utbrot på sola med mykje aurora. Bandstøy/steikepannefresing og signal med til dels kraftig “flutter” gjorde at det ikkje var mogleg å få til noko “run” av betydning. Sjølv om vi fekk meldingar om at vi hadde gode sterke signal, så det gjekk nokså seint med søking over fleire band. 10 meter var tydelegvis veldig god lenger sør i Europa og i Nord- og Sør-Amerika, men for oss var det frustrerande å kalle utan å bli høyrde. Natt til søndag var det liten grunn til å ofre somnen, så vi tok oss nokre timar på puta etter 768 QSO-ar.
På søndag var kondisjonane klart betre, men framleis ikkje gode. A-indeksen var framleis svært høg, medan K-indeksen hadde komme ned frå 9 (absolutt maks på skalaen) fredag morgon til berre 3-4 på laurdag morgon. Etter kvart vart det mogleg å halde på ein frekvens utan at splatter frå nærliggande stasjonar vart utåleleg, og vi fekk stort sett svar ganske raskt nar vi svarte på CQ. Det var fine long path-opningar mot Japan og Australia. Med beamen mot Argentina fekk vi køyrd både Sør-Amerika og Fjerne Austen/Oseania. På søndag ettermiddag og kveld kom det nokre fine run mot Europa og og Sør-og Nord-Amerika, men etter kvart la det seg eit nytt aurorateppe som blokkerte store delar av USA og Canada, før vestkysten opna opp nokre timar seinare. Utan typiske ettermiddags-run mot USA gjekk det litt tregt.
Det normale et at det blir færre QSO-ar på søndagen etter som mange stasjonar allereie er køyrde på laurdagen. I år gjorde den slakke laurdagen at det var det litt fleire QSO-ar på søndagen med 786 QSO-ar, til og med sjølv om vi hadde fem timar kortare operasjonstid på søndagen.
Stasjonen fungerer fint og Optibeamen gjev oss god effekt ut på 20 – 10 meter, medan vi har ein del å gå på når det gjeld antenner for 160, 80 og 40 meter. 160 m-loopen fungerer greit nok på dei låge banda, men den heng nok for lågt til å kunne konkurrere med meir tilpassa antennesystem, både på mottak og sending. 40 m-vertikalen fungerer også greit og gjev lav utstrålingsvinkel og bra DX, men ei rundstrålande antenne gjev lite punch i ein pile-up.
På svært tette band som under CQ WPX SSB og CQ WW SSB i oktober er det mykje splatter frå sterke stasjonar på nære frekvensar, så skarpare filter er også eit område der vi har forbetringspotensial. På dei låge banda er det også naudsynt å bruke attenuatoren for å dempe støy og splatter slik at signalet kjem betre fram.
Til slutt vart det 1554 QSO-ar, men utan bråk frå sola og tilhøyrande aurora burde det nok lett blitt både 500 og 1000 fleire QSO-ar.
Under finn du ein video av operasjonen frå LN1B søndag kveld med LA6VQ Frode ved mikrofonen. Videoen er teken opp av LA1SDX i Øygarden.
73, Frode LA6VQ
WSJT-X: Endeleg versjon 2.6.0, ny nettstad, oppdatert norsk brukarvegleiing
Svaksignalprogrammet WSJT-X er no komme i endeleg versjon 2.6.0 og kan lastast ned frå WSJT-X, ny heimeside. Som mange nok har fått med seg, har WSJT-X sine heimesider vore utilgjengeleg nokre veker i samband med at Princeton University legg om server-strukturen sin. WSJT-X sine heimesider er no mellombels flytta til Sourceforge.net, ein nettstad for program med open kjeldekode. Det kan vere greit å bokmerke den nye nettstaden for WSJT-X.
Dei viktigaste endringane i WSJT-X 2.6.0 er nye knappar for direkteval av ulike modus og for Hound-modus, støtte for ARRL International Digital Contest, forbetringar for FT8- og Q65-modusa og for EME Echo-modus, operasjonsforbetringar for Fox-operatørar, forbetringar for redigering og oppdatering av frekvenslista og forbetringar for contest-logging. I tillegg har ein retta opp i større og mindre feil frå tidlegare versjonar.
Eg har også oppdatert norsk brukarvegleiing for WSJT-X 2.6.0. Som alltid høyrer eg gjerne om trykkfeil og unøyaktige omsetjingar.
Lukke til med WSJT-X 2.6.0.
73, Frode LA6VQ
Nye radioamatører
Bergensgruppen har arrangert digitalt lisenskurs i tidsrommet 2. februar til og med 11. mai.
Seks av deltakerne på vårens kurs har tatt lisensen i løpet av de to siste ukene. Det er:
LB5QJ – Frank Grandalen, Lillehammer
LB5TJ – Thorsten Ernst Schilling, Florvåg
LB5UJ – Joachim Braathen, Loddefjord
LB5VJ – Kristian Svendsen Wennerberg, Moss
LB5WJ – Arvid Næss, Sørumsand
LB6AJ – Per Eskil Hadeland, Oslo
Vi gratulerer de nye radioamatørene og ønsker de velkommen på lufta!
Vennlig hilsen
Per-Dagfinn Green (LA1TNA)
Kursleder
Tel: 994 70075
* * * * *
Styret vil nok en gang takke våre kursledere Per-Dagfinn LA1TNA og Peter LB0K for den store innsatsen de legger ned for å få stadig nye radioamatører på luften.
73, Frode LA6VQ
Bergensgruppens Winlink node , QRV fra Askøy.
LA1B/Winlink ble i går 18 februar 2022 omplassert fra Stanghelle til Askøy. Flyttingen ble gjennomført etter avtale om innplassering i lokalene til «Foreningen Bergen Kringkaster», som også inntil videre låner ut en endefødet 80-10 antenne. Frekvensene til LA1B ser du her:
https://winlink.org/RMSChannels
Vi håper at flest mulig finner veien til disse frekvensene og tester Bergensgruppen sin stasjon i det internasjonale Winlinksystemet. I de periodene amatørstasjonen LA1ASK på samme QTH er aktiv, vil LA1B være utilgjengelig. Dette er gjort for å sikre sameksistens uten fare for gjensidig interferens, eller i verste fall ødelagte mottakerinnganger. Med på flyttesjauen var: LA7CFA, LA9DJA, LA1BS og LA4PM. Stor takk til LA7CFA og Foreningen Bergen kringkaster.
73 de LA4PM/Finn sysop LA1B/Winlink
WSJT-X 2.5.4 – Ny versjon med norsk brukarvegleiing
Det nye året vart innleidd med ny versjon 2.5.4 av det populære digitalmodusprogrammet WSJT-X. Denne versjonen inneheld hovudsakleg feilrettingar, m.a. retting av ein feil i v2.5.3 som gjorde at programmet kunne stenge ned under sending til stasjonar med “/” (skråstrek) i kallesignalet. Programmet og oppdatert norsk brukarvegleiing finn du på WSJT-X sine heimesider eller her på LA1B.no sine sider.
Lukke til med ny versjon.
Godt Nytt År og 73,
Frode LA6VQ
LA100B – Celebrating 100th anniversary
LA100B is the centenary call sign for “Bergensgruppen av NRRL” and will be used throughout 2022. Our usual call sign is LA1B and we also use LN1B in contests.
In 2022, Bergensgruppen av NRRL celebrates its first 100 years. Our club was founded on 25 November 1922 under the name Bergens Radio Amatør Klub (Bergen Radio Amateur Club). The foundation took place in Hotel Transatlantic in Bryggen (the Wharf). It was only fitting that the club was founded in Hotel Transatlantic, only few months after the first transatlantic contact between radio amateurs.
After becoming a member of Norsk Radio Relæ Liga (Norwegian Radio Relay League, NRRL) when NRRL was founded in 1928, the club’s name was changed to Bergensgruppen av NRRL, in accordance with NRRL’s rules.
Centenary operating activities in 2022:
The operating activities will be based in the club station in Totland, Bergen, grid locator JP20RH.
LA100B will be activated throughout the year in many modes and the HF + 6 m bands. We will also use the centenary call sign in contests.
Awards in several classes will be offered for contacts with LA100B.
Activities will be announced on https://www.la1b.no/, in bulletins and social media.
Information and rules to be announced early January 2022
WSJT-X er kommen i versjon 2.5 med oppdatert norsk brukarvegleiing
Den 27. september 2021 publiserte WSJT-X-utviklarane den endelege versjonen av digitalmodusprogrammet WSJT-X 2.5.0 etter at seks betaversjonar har vore publiserte sidan tidleg i juni. Du finn WSJT-X versjon 2.5.0 for nedlasting på WSJT-X sine heimesider.
Versjon 2.5.0 inneheld vidareutviklingar av den nye modusen Q65 som vart introdusert i versjon 2.4.0. I tillegg er hjelpeprogrammet MAP65 komme i versjon 3.0. MAP65 samarbeider med Q65 for å betre resultata for JT65, særleg for EME-samband.
Riggstyringsmodulen Hamlib er også oppdatert til versjon 4.3.1, mest for å rette opp nokre feil som lurte seg inn i føregåande versjon.
Som vanleg har eg oppdatert den norske brukarvegleiinga. Den finn du på Bergensgruppen sine heimesider og på WSJT-X sine heimesider. Skulle du finne noko feil i omsetjinga, er det fint om du melder frå.
Lukke til med WSJT-X versjon 2.5.0.
73, Frode LA6VQ
Elektronisk logging, nettmøte 31. mai 2021
Den 31. mai 2021 kl 20.00 heldt Bergensgruppen nettmøte for medlemer og andre interesserte. Temaet var “Elektronisk logging”. LA6VQ Frode gjekk gjennom ulike sider av logging, elektronisk logging, krav til gode loggprogram, integrasjon mot nettbaserte QSL- og loggsystem og viste kort et lite utval av dei mest populære av dei meir enn 100 ulike program som finst for elektronisk logging. . Presentasjonen finn du her.
Mot slutten av presentasjonen demonstrerte Frode “live” opplasting av QSO-ar frå HRD Logbook til Logbook of the World og eQSL. Deretter viste han tilsvarande “live” nedlasting av eQSL og verifiserte QSO-ar frå Logbook of the World. Deretter hadde vi ei god runde med kommentarar, spørsmål og svar.
For dei som har lyst til å starte med Logbook of the World, finst det no ein betre brukarmanual enn den som finst på Logbook of the World sine heimesider. Frode held på med ei norsk omsetjing, men den norske utgåva ligg nok litt fram i tid.
Har du spørsmål om elektronisk logging, er det berre å ta kontakt med oss i Bergensgruppen, så skal vi nok finne ut av det.
Lukke til med elektronisk logging.
WSJT-X 2.4.0 er tilgjengeleg, med norsk brukarvegleiing
Det populære svaksignalprogrammet WSJT-X kom i ny versjon 2.4.0 som vart publisert 24. mai. WSJT-X 2.4.0 kan lastast ned frå WSJT-X si nettside. Denne versjonen inneheld ein ny modus som heiter Q65. Denne modusen erstattar ISCAT- og QRA-64-modusane. Q65 er spesielt tenkt for bruk på EME (signal via månen), ulike typar scatter-signal (via meteorar, troposfæren, fly, regn, etc.) og andre signaltypar med ekstremt svake signal, særleg med tanke på bruk på VHF og høgare frekvensar. I tillegg er det som alltid litt brukarforbetringar og retting av småfeil.
Som vanleg har eg oppdatert den norske brukarvegleiinga som no heiter WSJT-X 2.4.0 Norsk brukarvegleiing. Du finn den også på brukarvegleiingar til WSJT-X på WSJT-X si heimeside.
Skulle du finne feil og uklare formuleringar, er det fint om du gjev meg beskjed.
Lukke til med WSJT-X 2.4.0.
73, Frode LA6VQ
WSJT-X 2.3.1 og WSJT-X 2.4.0-rc4
Den digitale programvaren WSJT-X er kommen i to nye versjonar, ein endeleg versjon WSJT-X 2.3.1 og ein vidareutvikla betaversjon WSJT-X 2.4.0-rc4. Dei kan lastast ned frå WSJT-X si heimeside.
WSJT-X 2.3.1 inneheld stort sett mindre feilrettingar frå tidlegare versjonar (2.3.0 og tidlegare). Dette er ein endeleg versjon som kan brukast på vanleg måte. Norsk brukarvegleiing (på bokmål) til WSJT-X 2.3.1 finn du på linken WSJT-X 2.3.1 Norsk brukarvegleiing
Samstundes med den endelege versjon 2.3.1 kom også WSJT-X 2.4.0-rc4, som er den fjerde betaversjonen (“rc4” betyr “release candidate 4”) av WSJT-X 2.4. Utviklarane av WSJT-X reknar med at dei som tek i bruk betaversjonane melder tilbake til utviklingsgjengen om det er noko som ikkje verkar som ein skulle vente. Versjon 2.4.0-rc4 inneheld ein ny modus som vert kalla Q65 og som primært er tenkt å erstatte modusen modusen QRA64. Modusen ISCAT er også avlutta i denne versjonen. Q65 er særleg utvikla med sikte på bruk på VHF/UHF og høgare band til spesielt krevjande modus som EME, ulike scatter-modus (troposfærisk scatter, ionosfærisk scatter, regn-scatter, etc.) og transekvatorial propagasjon (TEP). Linken til norsk brukarvegleiing er WSJT-X 2.4.0-rc4 Norsk brukarvegleiing.
Som alltid er eg takksam for kommentarar og feilretting av omsetjingane.
Lukke til med dei nye versjonane.
73, Frode LA6VQ
WSJT-X 2.3.0 er ute og brukarvegleiing på norsk er klar
Programmet WSJT-X 2.3.0 kom i endeleg versjon i dag 1. februar 2021, etter fire betaversjonar sidan slutten av september 2020. Dei viktigaste endringane frå versjon 2.2.2, som kom i juni 2020, er to nye modus kalla FST4 og FST4W. FST står for etternamna til K9AN Steven Franke, G4WJS Bill Somerville og K1JT Joe Taylor, dei tre hovedpersonane bak WSJT-X dei siste åra.
Dei nye modusa er særleg tenkt brukte på langbølge (LF) og mellombølge (MF), i praksis 600 meter- og 2200-meterbanda. Begge modusa finst i fleire submodus som er knytte til lengda på sende- og mottakssekvensane. FST4, som ikkje må forvekslast med FT4, har sendesekvensar mellom 15 sekund og 1800 sekund (30 minutt) og kan dekode signal med SNR frå -20,7 dB (15 sekund) til -43,2 dB (1800 sekund). FT8 dekoder ned til -21 dB og FT4 til -17,5 dB, så forbetringa er ganske stor.
FST4W verkar på same måten som WSPR, men er spesielt tilpassa bruk på MF- og LF-banda som gjerne har meir QSB og QRM enn kortbølgebanda. PÅ same måte som FST4 har også FST4W har fleire submodus med sende/mottakssekvensar som varierer mellom 120 sekund (som WSPR) og 1800 sekund. FST4W kan dekode signal med SNR frå -32,8 dB (120 sekund) til -44,8 dB (1800 sekund). Til samanlikning dekoder WSPR ned til -31 dB SNR.
Ut over dei to nye modusa er det gjort ein del feilrettingar og mindre forbetringar og justeringar frå versjon 2.2.2.
Som vanleg finn du siste versjon av programmet på WSJT-X sine heimesider. Der kjem også den norske brukarvegleiinga når Joe Taylor får lasta den opp, men den norske brukarvegleiinga for WSJT-X 2.3.0 finst sjølvsagt også klar for nedlasting her på LA1B sin sider.
Skulle du finne feil eller forbetringar som bør gjerast i den norske omsetjinga, høyrer eg veldig gjerne frå deg.
Lukke til med den nye versjonen av WSJT-X.
73, Frode LA6VQ
LN1B #1 Norway SAC SSB 2020
OP. LA4XLA, LA6VQ, LB1AH, LB5WB
Bergensgruppen på Winlink
Bergensgruppen av NRRL er i gang igjen med en stasjon i det nasjonale- og internasjonale Winlink-systemet. Kallesignalet er LA1B. Den står for tiden i prøvedrift på HF. Benytt anledningen til å bli QRV på Winlink og teste ut funksjonene på LA1B. Høy terskel for å komme i gang? Neppe!
Du trenger:
– En moderne HF-radio, pc og programvare.
– Eldre HF-radio: et eksternt lydkort i tillegg.
Med den anbefalte programvare kan du overføre tekst, bilder, tabeller etc. Enten direkte stasjon-
til- stasjon som en vanlig QSO, eller gjennom Winlink, som i tillegg tilbyr automatisk oppkobling mot Internett.
Du kan da kommunisere med ordinære internettadresser. Systemet er bygd opp
slik at det fungerer også ved delvis- eller helt bortfall av internett.
Gruppenes Winlink-stasjoner over hele landet er dermed et viktig bidrag i den nasjonale nød- og katastrofeberedskapen.
På http://www.winlik.org finner du uendelig med info. Men ikke la deg overvelde i starten.
Last ned brukerprogrammet du trenger og sett i gang.
For windows10: Winlink Express + vara
For Linux: PAT (som for øvrig er designet av vårt medlem Martin/LA5NTA)
På https://www.la3f.no/ finner du norsk info om Winlink.
Ta kontakt med en av sambandsgruppens medlemmer om du trenger hjelp.
Nedenfor ser du et bilde lastet ned fra en av de mange rapportene Winlink tilbyr:
Dette er et propagasjonsvarsel fra 22/11. Du ser sikkert hvorfor 80m ikke
duger i Sør-Norge om natten/vinterstid?
Velkommen til test av la1b som for tiden går på 80 og 40m – med og uten internett tilkoblet
Ut på nyåret blir det test på 160 og 60m.
73 og godt nyttår fra Finn/LA4PM
WSJT-X 2.2.0 er klar for nedlasting
WSJT-X 2.2.0 i endeleg versjon vart tilgjengeleg for nedlasting 2. juni 2020. Den kan nedlastast frå WSJT-X sine heimesider.
Versjon 2.2.0 inneheld klare forbetringar av dekodinga for nesten alle modusa i WSJT-X. Til dømes dekoder FT8 no meldingane i tre omgongar mot slutten av kvar 15 sekunds mottakssekvens, første gong etter 11,8 sekund og siste gong etter 14,7 sekund. Når det er tett på bandet, gjev dette gjennomsnittleg 10 % fleire dekodingar. I tillegg er det no laga eige meldingsformat for WW Digi DX Contest (som kjem i slutten av august). Meldingsformatet for EU VHF Contest endra og er ikkje lenger kompatibelt med tidlegare versjonar av WSJT-X, så dersom du skal delta i contest som bruke dette meldingsformatet, må du bruke den nye versjon 2.2.0.
Brukarvegleiinga for WSJT-X 2.2.0 er omsett til norsk og finst både på WSJT-X sine heimesider og på WSJT-X 2.2.0 Norsk brukerveiledning. Frå og med denne versjonen er grensenittet for WSJT-X førebudd også for andre språk enn engelsk og det vil eg nok også sjå på om litt.
Last ned WSJT-X 2.2.0 og prøv dei nye funksjonane.
Lukke til.
73 Frode LA6VQ
WSJT-X 2.2.0-rc3 klar for testing – med norsk brukarvegleiing
WSJT-X versjon 2.2.0 er kommen i betaversjon nr 3, kalla WSJT-X 2.2.0-rc3. Dersom du vil vere med på betatesting av dette svært populære programmet for svake signal, kan du laste det ned frå WSJT-X si heimeside.
Brukarvegleiing på norsk finst på Norsk brukarvegleiing for WSJT-X 2.2.0-rc3. Den er omsett til norsk av LA6VQ Frode.
Den viktigaste endringa i denne tredje betaversjonen er oppdatering av hamlib-koden som vert brukt til dataassistert styring av mange typar radioar. Elles er det nokre rettinger av mindre feil i dei to føregåande betaversjonane.
Det er venta at den endelege versjonen av WSJT-X 2.2.0 (dvs. utan -rc#) vert utgjeven første veka i juni.
God testing til dei som vil betateste og god pinse til alle.
73 LA6VQ Frode
Blogg, HF-SEKSJONEN